«QazTAG» HAA jańalyqtary memlekettik aqparattyq tapsyrys aıasynda 5 myń teńgege satylyp otyrǵan
ASTANA. QazAqparat - Astanada Seıitqazy men Áset Mataevtar isine qatysty sot talqylaýy jalǵasýda.
Olar memlekettik aqparattyq tapsyrys júrgizýge tenderlerdi zańsyz alyp kelgen. Shart talaptaryna sáıkes, Mataev basshylyq etetin «QazTAG» agenttigi kún saıyn ashyq qoljetimdilikte jańalyq materıaldaryn jarııalap otyrýy tıis boldy, alaıdy bul talapty oryndamaǵan.
«Jarııalanymdardyń denine qoljetimdilik shektelgen, olardy aqyly jazylýshylar ǵana kóre alady. Olardy qaraý úshin bir jarııalanymǵa 5 myń teńge tóleý qajet bolǵan. Jazylýshylar sany 200-den aspaıtyny da anyqtaldy», - dep málimdedi maman Marǵulan Dúzeldikov.
Sondaı-aq maman QazTAG-tyń Ortalyq Azııadaǵy seriktesteri bolyp tabylatyn aqparattyq resýrstar bir serverde ornalasqanyn, al materıaldardy redaktsııalaýǵa múmkindik Áset Mataevta ǵana bolǵanyn alǵa tartty.
«QazTAG-tyń resýrsyn egjeı-tegjeıli qaraǵan kezde KırTAG, AfTAG, ÝzTAG jáne TadjıkTAG agenttikteri bir server men platformada ornalastyrylǵany anyqtaldy. Ákimshiler men redaktorlardyń barlyq resýrstarǵa kirýge rusaqttary bolmaǵan. KırTAG, AfTAG, ÝzTAG jáne TadjıkTAG agenttikteri jarııalanymdaryna Áset Matevtyń ǵana qoljetimdiligi bolǵan. Bul olar áriptes emes ekenin, barlyǵy Áset Matevatyń baqylaýynda bolǵanyn bildiredi», dep túsindirdi Dúzeldikov.
Sarapshynyń aıtýynsha, tehnıkalyq erekshelikke sáıkes sharttardyń biri - fotomuraǵattyń bolýy.
«Qatty dıskini zertteý barysynda fotomuraǵat tabylmady. Oryndalǵan jumystardy rastaý úshin QazTAG tapsyrys berýshilerge eseppen qosa elektrondy muraǵatty tapsyryp otyrýy tıis bolǵan. Osylaısha, muraǵattaý júrgizilmegen», - dep sózin túıindedi ol.
Tergeý nusqasy boıynsha, 2010-2015 jyldar aralyǵynda Seıitqazy Mataev aldyn ala sóz baılasa otyryp, tulǵalar tobynda uly - «QazTAG» HAA» JShS bas dırektory Áset Mataevpen birge aldaý, senimge qııanat etý jolymen asa iri kólemde memlekettik satyp alý salasyndaǵy bıýdjettik qarajatty jymqyrǵan. Soma 169 mln. teńgeni qurady.
