«QazTAG» HAA qyzmetteri tehnıkalyq sıpattamaǵa sáıkes bolmaǵanyn taǵy bir kýáger rastady
ASTANA. QazAqparat - Seıitqazy jáne Áset Mataevtardyń baqylaýynda bolǵan «QazTAG» aqparattyq agenttigi kún saıyn ashyq túrde elde júzege asyp jatqan memlekettik baǵdarlamalar týraly aqparattyq habarlamalar jarııalaýy tıis edi. Alaıda Mataevtar qol qoıylǵan sharttardyń tehnıkalyq sıpattamalaryn buzdy. Bul týraly Baılanys, aqparattandyrý jáne aqparat komıtetiniń baspa BAQ basqarmasynyń burynǵy basshysy Álııa Aıǵarınanyń málimdemesinen keıin belgili boldy. Aıǵarına sotqa kele almaǵandyqtan, kýágerdiń málimdemesin sýdıa oqydy.
«Zań buzýshylyqtardy eskerip, birneshe ret Komıtet tóraǵasynyń orynbasary Bek Arpabaevqa «QazTAG» HAA» JShS №222 memlekettik satyp alýlar shartyndaǵy talaptarǵa sáıkes qyzmetti sapasyz oryndaıtynyn aıtyp barǵanmyn», - dedi Álııa Aıǵarına.
Alaıda Bek Arpabaev «QazTAG» HAA» JShS-dan esepti tapsyrǵan kúıi qabyldaýdy tapsyrdy.
«Bul zańbuzýshylyqtar týraly aıtyp Komıtet tóraǵasy Bolat Bersebaevqa bardym. Ol da men anyqtaǵan zańbuzýshylyqtarǵa qaramastan, «QazTAG» HAA» JShS-dan esepti tapsyrǵan kúıi qabyldaýdy buıyrdy», - dedi kýáger.
Álııa Aıǵarınanyń sózine qaraǵanda, ol Komıtet basshylyǵynyń tapsyrmasyn oryndaýy tıis edi. Óıtkeni oryndamaǵan jaǵdaıda ony jumystan shyǵarý nemese ózi qyzmetin bosatýy úshin jaǵdaılar jasaýy múmkin bolǵan.
Osylaısha, «QazTAG» HAA» JShS 25.08.2010 j. memlekettik satyp alýlar týraly №222 shartty oryndamady. Óıtkeni atalǵan seriktestik tehnıkalyq ereksheliktegi talaptardy oryndamady, atap aıtar bolsaq, kún saıynǵy jańalyqtar sany jospardaǵydan az boldy.
«2010 - 2011 jj «QazTAG» HAA» JShS-dan atqarylǵan jumystar jaıly esep, aqparattardyń azdyǵyna jáne olarǵa qol jetkizý úshin aqsha tóleý syndy zańbuzýshylyqtarǵa qaramastan, Bolat Bersebaev, Bek Arpabaevtyń tapsyrmasymen qabyldandy», - degen Aıǵarınanyń málimdemesin sýdıa oqyp jalǵastyrdy.
Sonymen qatar, memlekettik satyp alýlar sharty aıasynda «QazTAG» HAA» JShS veb-saıtynda jarııalanǵan aqparattyq materıaldar ortaq paıdalaný rejiminen tys jarııalaǵan, olardy oqý úshin aqyly jazylý kerek bolǵan.
«Bul zańsyz, sebebi memlekettik aqparattyq saıasat qoǵamǵa erkin túrde jetkizilýi tıis. Bul qyzmetti memlekettik satyp alýlar boıynsha bıýdjet qarjylandyrǵandyqtan, olar tegin bolýy kerek», - dep túsindirdi Aıǵarına.
Japa shekken tarap ókiliniń málimdemesin oqyp bolǵan soń sýdıa aıyptalýshylar Seıtqazy jáne Áset Mataevtardy jaýapqa alýǵa kiristi. Olar málimdeme jasaýdan bas tartty.
Osylaısha, Mataevtar Aqparat komıteti qarajatynan 169 mln teńge jymqyrǵan.
