«Qazsýshardyń» ońtústiktegi fılıaldarynda bes oqý ortalyǵy qurylady
ASTANA.KAZINFORM - Sý resýrstary jáne ırrıgatsııa mınıstri Nurjan Nurjigitovtiń tapsyrmasyna sáıkes, Túrkistan, Qyzylorda, Jambyl, Almaty jáne Jetisý oblystarynda ornalasqan «Qazsýshar» RMK fılıaldarynyń bazasynda turaqty sýarý boıynsha bes oqý ortalyǵyn qurý máselesi qarastyrylyp jatyr.
Mınıstrlik málimetinshe, jobany iske asyrý úshin Qazaq sý sharýashylyǵy ǵylymı-zertteý ınstıtýtymen jáne «Qazsýshar» RMK-men birlesip jol kartasy men tehnıkalyq sıpattamalary ázirlenedi.
Bul ortalyqtar sý sharýashylyǵy mamandaryn daıarlaý jáne olardyń biliktiligin arttyrýǵa, sondaı-aq zamanaýı sý únemdeıtin sýarý tehnologııalaryn keńinen taratýǵa arnalǵan beıindi oqý-demonstratsııalyq alańdarǵa aınalady. Ortalyqtarda oqytý, demonstratsııalyq jáne zerthanalyq ınfraqurylym, sondaı-aq turaqty sýarý, sýdy bólýdi basqarý jáne sýarý júıesin paıdalaný boıynsha bilim berý baǵdarlamalaryn ázirleý jáne engizý júzege asyrylady.
Sý sharýashylyǵy, agrarlyq sektor jáne paıdalaný uıymdarynyń mamandaryn oqytý uıymdastyrylady. Sonymen qatar oqý baǵdarlamalaryn ázirleýge jáne oqytý protsesine salalyq jáne halyqaralyq seriktesterdi tartý kózdelgen. Bul ortalyqtar turaqty sýarý salasyndaǵy úzdik tájirıbelerdi synaqtan ótkizý jáne keńinen taratý alańy retinde de paıdalanylady.
Sondaı-aq fermerler men sharýa qojalyqtaryna qolda bar eń ozyq sý únemdeý tehnologııalaryn qalaı qoldaný keregin úıretý úshin oqytý uıymdastyrylady.
– Jobany iske asyrý aýyl sharýashylyǵynda sý resýrstaryn paıdalaný tıimdiligin arttyrýǵa, sý shyǵynyn azaıtýǵa jáne ırrıgatsııa salasyndaǵy kadrlyq áleýettiń turaqty damýyn qamtamasyz etýge múmkindik beredi. Óńirlik oqý ortalyqtaryn damytýǵa arnalǵan is-sharalar grant qarajaty esebinen qarjylandyrylady, – dedi Sý resýrstary jáne ırrıgatsııa vıtse-mınıstri Talǵat Momyshev.
Aıta keteıik, «Qazsýshar» mekemesi Azııa sý keńesiniń quramyna endi.
Jumysyna salǵyrt qaraǵan «Qazsýshar» fılıaldarynyń basshylary jazalandy.