«Qazsýshar» mekemesi halyqaralyq qarjy uıymdaryna 100 mlrd teńge qaryz
«2017 jyldan beri 4 oblystyń ıaǵnı Aqtóbe oblysy, Jambyl, Túrkistan jáne Almaty sý sharýashylyǵy jáne gıdromelıoratıvtik júıesin jóndeýge memlekettik kepildikpen halyqaralyq qarjy uıymdarynan zaım alyndy. Atalǵan maqsatqa Eýrazııalyq damý bankinen 60,9 mıllıard teńge bólindi. Al Islam damý banki ırrıgatsııa men drenajdy qalpyna keltirý jobasyna 53,2 mıllıard teńge bóldi», - dedi «Qazsýshar» RMM bas dırektorynyń mindetin atqarýshy Ásel Ábileva ekologııa mınıstrliginde ótken baspasóz máslıhatynda.
Sondaı-aq, Ekologııa jáne tabıǵı resýrstar mınıstrligi tsıfrlyq transformatsııa keńesiniń «Sý resýrstary» tobynyń jetekshisi Qaıyrbek Sısembın aldaǵy ýaqytta halyqaralyq qarjy uıymdarynyń zaımdarynan bas tartý jospary týraly aıtty.
«Biz zaımdardan bas tartpaqpyz, óıtkeni sol jobalardy óz kúshimizben de júzege asyra alamyz. Bizdiń el sońǵy 16 jyl ishinde 300 mıllıon dollar zaım aldy. Ony dollarmen eseptegende biz mıllıardtap qaıtaramyz. «Qazsýshar» mekemesi qaryzdarynyń deni ıaǵnı 100 mlrd teńgeden astam soma halyqaralyq qarjy uıymdaryna tıesili. Ol zaımdar sý arnalaryn jóndeýge alyndy. Biz osyǵan deıin alynǵan zaımdardyń qaıda baǵyttalǵanyn tekseremiz. Kóp dúnıe túsiniksiz, mysaly berilgen zaımnyń 40 paıyzy qazirdiń ózinde paıdalanylǵan. Zaım alýdy qazir toqtatsaq qaryz shuńqyryna túspeımiz», - deıdi sý salasy mamany.
Odan bólek, Q. Sısembın fermerlerden tóleıtin sý tarıfi áli kúnge deıin qolma-qol aqsha arqyly júzege asyralatynyn aıtty.
Onyń aıtýynsha, atalǵan máseleni avtomattandyrý jaǵy qaralyp jatyr.
Sonymen qatar sý resýrstary salasynda iske asyrylyp jatqan jobalardy qaıta qaralatynyn málim etti.
Eske salsaq, 19 sáýirde ótken eldiń áleýmettik-ekonomıkalyq máseleleri jónindegi keńeıtilgen keńeste Memleket basshysy Qasym-Jomart Toqaev sý sharýashylyǵy men gıdromelıoratsııalyq júıelerdi qaıta qurýǵa baǵyttalǵan halyqaralyq qarjy uıymdarynyń zaımdary durys ıgerilmeı otyrǵanyn aıtqan edi.
Prezıdenttiń aıtýynsha, únemshil bolmasaq, taza sý beretin jańa nysandardy iske qosqanmen, tapshylyqty joıa almaımyz.
Sý sharýashylyǵy nysandaryn ortalyqtandyryp basqarýǵa jaýapty kásiporyndardyń jumysyna taldaý júrgizilip, sonyń barysynda olardyń tıimdiliginiń tómendigi anyqtaldy.
Sondaı-aq, Prezıdent sý resýrstaryn basqarýdyń biryńǵaı aqparattyq-saraptamalyq júıesin jasaý kerektigin júktedi.
