«Qazsýshar» mekemesi qyzmetkerleriniń eńbekaqysy 25%-ǵa ósti

ASTANA. KAZINFORM – 1 mamyrdan bastap sý salasyndaǵy birqatar mamandardyń eńbekaqysy 25%-ǵa ósti. Bul týraly Sý resýrstary jáne ırrıgatsııa mınıstrliginiń baspasóz qyzmeti málim etti. 

1 mamyrdan Sý resýrstary jáne ırrıgatsııa mınıstrliginiń «Qazsýshar» mekemesi qyzmetkerleriniń aılyǵy orta eseppen 25%-ǵa ósti. Atap aıtqanda, eńbekaqysy respýblıkalyq bıýdjetten tólenetin mamandardyń aılyqtary ulǵaıdy. 

Eske sala ketsek, osy jyldyń 1 qańtarynan aılyqtary tarıf esebinen tólenetin «Qazsýshar» mamandarynyń eńbekaqylary orta eseppen 23%-ǵa kóterilgen edi. Nátıjesinde, kásiporyn qyzmetkerleriniń jalpy sanynyń 47%-ynyń aılyqtary ulǵaıdy. Bul arnalar arqyly sýarmaly sý jetkizýdi qamtamasyz etetin mamandar.

«Mınıstrlik kadr jetispeýshiligi máselesin sheshý maqsatynda sý salasy mamandyqtarynyń tartymdylyǵyn arttyrý úshin birqatar is-sharalardy júzege asyrýda. Máselen, «Qazsýshar» qyzmetkerleriniń eńbekaqysy respýblıkalyq bıýdjetten jáne tarıf esebinen de kezeń-kezeńimen ulǵaıyp jatyr. Budan bólek, saladaǵy mamandar biliktilik arttyrý kýrstarynan ótedi. Bıyl 450 maman arnaıy kýrstardan ótýi tıis», - dedi Sý resýrstary jáne ırrıgatsııa mınıstrliginiń resmı ókili Móldir Ábdýalıeva.