«Qazsýshar» mekemesi Azııa sý keńesiniń quramyna endi
ASTANA. KAZINFORM — «Qazsýshar» RMK sý resýrstary salasyndaǵy 26 elden 176 uıymdy biriktiretin AWC quramyna qabyldandy, dep habarlaıdy Sý resýrstary jáne ırrıgatsııa mınıstrliginiń baspasóz qyzmeti.
Vetnamda Azııa sý keńesiniń (AWC) XXIII basqarma otyrysy ótti. Іs-sharaǵa Sý resýrstary jáne ırrıgatsııa mınıstrliginiń «Qazsýshar» RMK bas dırektorynyń mindetin atqarýshy Ánýar Óskenbaev qatysty.
Otyrysta «Qazsýshar» RMK sý resýrstary salasyndaǵy 26 elden 176 uıymdy biriktiretin AWC quramyna qabyldandy. AWC-ǵa múshe bolý «Qazsýsharǵa» sý resýrstaryn basqarýda tsıfrlyq tehnologııalar men ınnovatsııalyq tásilderdi engizýge, sondaı-aq strategııalyq josparlaý, birlesken jobalardy júzege asyrý jáne tájirıbe almasý úshin jetekshi azııalyq jáne halyqaralyq uıymdarmen yntymaqtastyqty nyǵaıtýǵa múmkindik beredi.
— AWC — Azııadaǵy jáne onyń sheginen tys jerlerdegi sý máselelerine sheshim izdeýdi maqsat etetin jetekshi sý platformasy. Keńes taza ári qoljetimdi sýǵa qol jetkizý arqyly turaqty damýdy qamtamasyz etýge yqpal etedi. AWC sý resýrstarymen aınalysatyn uıymdarmen, onyń ishinde úkimettermen, akademııalyq jáne zertteý mekemelerimen, úkimettik emes jáne halyqaralyq uıymdarmen belsendi jumys isteıdi. Olardyń qatarynda Dúnıejúzilik sý keńesi, Halyqaralyq sý resýrstary qaýymdastyǵy, Ekonomıkalyq yntymaqtastyq jáne damý uıymy, Azııa damý banki sııaqty uıymdar bar. Sondyqtan AWC quramyna ený bizge Azııadaǵy sý salasy boıynsha jahandyq kásibı jeliniń jumysyna qatysýǵa múmkindik beredi, — dedi «Qazsýshar» RMK bas dırektorynyń mindetin atqarýshy Ánýar Óskenbaev.
Azııa sý keńesi 2016 jyldyń naýryz aıynda qurylǵan. Uıymnyń shtab-páteri Koreıa Respýblıkasynyń Tedjon qalasynda ornalasqan.
Budan buryn «Qazsýshar» fılıaldary 524 jańa arnaıy tehnıkamen tolyqqany habarlandy.