«Qazsýshar» fılıaldaryna jeti jańa jersnarıad beriledi

Cý resýrstary jáne ırrıgatsııa mınıstrligi málimetinshe, bıyl «Qazsýshar» RMK tehnıka parki sý qoımalaryn keshendi tazartý maqsatynda jeti jańa jer snarıadtarymen jáne bir servıstik býksır-qaıyqpen tolyǵady.

Tórt jersnarıad «Qazsýshardyń» Túrkistan fılıalyna beriledi. Olar «Táýelsizdiktiń 20 jyldyǵy» kanaly, Kóksaraı kontrrettegishi jáne Shardara sý qoımasyn tazartýǵa paıdalanylady. Bir-bir jersnarıad Jambyl fılıalyna Tasótkel sý qoımasyn tazartý úshin, sondaı-aq Qyzylorda fılıaly men «Q.I.Sátbaev atyndaǵy kanal» fılıalyna kóktemgi sý tasqynynan keıin kanaldardy tazalaý jumystaryna beriledi.

Al servıstik býksır-qaıyq Astana sý qoımasyn tazartýǵa baǵyttalady.

Eske salsaq, byltyr «Qazsýshardyń» Aqmola fılıaly osy nysandy sońǵy 55 jylda alǵash ret tazartý jumystaryn bastaǵan bolatyn. Nátıjesinde sý qoımasynyń syıymdylyǵyn 47 mln tekshe metrge ulǵaıtý josparlanǵan. Bul elorda turǵyndaryn sýmen qamtamasyz etýdi jaqsartýǵa múmkindik beredi.

– Jańa arnaıy tehnıkanyń quramyna amfıbııalyq, dızeldi ózdiginen júretin jáne frezerlik jersnarıadtar kiredi. Búginde olardyń bireýi Túrkistan oblysyna jetkizildi. Buǵan deıin kásiporyn teńgeriminde osyndaı tórt tehnıka bolǵan. Júrgizilip jatqan jumystardyń nátıjesinde jersnarıadtar sany shamamen úsh ese artyp, sý nysandaryn sapaly ári ýaqytyly tazartýǵa múmkindik týady, – dedi «Qazsýshar» RMK bas dırektory Anýar Óskenbaev.

Aıta keteıik, elimizde sýarý kanaldary jańa tehnologııamen betondalýy múmkin.