«Qazsýshar» fılıaldary 524 jańa arnaıy tehnıkamen tolyqty
ASTANA. KAZINFORM — Sý resýrstary jáne ırrıgatsııa mınıstrligi elimiz boıynsha «Qazsýshar» RMK fılıaldaryn jańa arnaıy tehnıkalarmen qamtý jumysyn jalǵastyryp jatyr. Bul týraly vedomstvonyń baspasóz qyzmeti málim etti.
Búginge deıin kásiporyn fılıaldary 524 avtokólik pen qural-jabdyq aldy. Jańa tehnıkalar sýarý kanaldaryn mehanıkalyq tazalaýǵa jáne gıdrotehnıkalyq qurylystardy jóndeýge paıdalanyla bastady.
Jalpy alǵanda «Qazsýshar» fılıaldaryna barlyǵy 757 avtokólik men qural-jabdyq berý josparlanyp otyr. Mınıstrlik usynǵan tehnıkalar qatarynda ekskavatorlar, tıegishter, shynjyr tabandy ekskavatorlar, traktorlar, tirkemeler, samosvaldar, tartqysh kólikter, avtokrandar, janarmaı tasymaldaǵyshtar, qosalqy qural-jabdyqtar men dızeldi generatorlar bar.
— Jańa tehnıkalar vegetatsııa kezeńiniń turaqty ótýine jaǵdaı jasaý úshin, sonyń ishinde kanaldardyń ótkizý múmkindigin arttyrý maqsatynda olardy tazalaý jumystaryna qoldanylyp jatyr. Qazirgi ýaqytta «Qazsýshar» fılıaldary jalpy uzyndyǵy 2 011 shaqyrym bolatyn sýarý kanaldarynda mehanıkalyq tazalaý jumystaryn júrgizip jatyr, onyń 780 shaqyrymynda jumystar aıaqtaldy,— dedi Sý resýrstary jáne ırrıgatsııa vıtse-mınıstri Erbolat Ibraıhanov.
Eske sala keteıik, buǵan deıin sý salasy mamandary sýarmaly sýdy ádil bólý úshin túngi kezekshilikke shyǵa bastaǵanyn jazǵan edik.