Qazstat jobasynyń bıýdjeti 22,8 mln. AQSh dollaryn qurady
«Qazstat jobasy Qazaqstan men Halyqaralyq Qaıta qurý jáne Damý banki arasyndaǵy kelisim aıasynda júzege asyryldy. Joba maqsaty - Qazaqstan ulttyq statıstıka júıesin xalyqaralyq ádisteme men úzdik tájirıbeleriniń negizinde tıimdiligi men nátıjeliligin arttyrý», - deıdi QR UEM Statıstıka komıtetiniń tóraǵasy Nurbolat Aıdapkelov.
Eske sala keteıik, Qazstat jobasyn júzege asyrý 2012 jyly bastaý aldy. Joba aıasynda mamandardyń kásibı deńgeıi joǵarylatylyp, Qazaqstannyń statıstıkalyq ádistemelik bazasy jetildirildi.
Jobaǵa alty shetel statıstıkalyq keńselerinen turatyn konsortsıým seriktestik etedi. Qazstat bıýdjeti 2012 jáne 2016 jyldar aralyǵynda 22,8 mıllıon dollardy quraǵan. Onyń 2,8 mıllıon dollary QR Úkimetiniń qarjysy.
«Daıyndyq kezeńinen soń, Ulttyq ekonomıka mınıstrligine qarasty statıstıka komıteti atalmysh jobany júzege asyrýǵa kiristi. Shetel konsortsıýmdarymen kelissózder júrgizilip, seriktestik týraly kelisim jasaldy. Qazstat - Dúnıejúzilik banktiń Qazaqstandaǵy eń sátti jobalarynyń biri», - dep atap ótti Dúnıejúzilik bank tarapynan qatysqan joba jetekshileriniń biri Mustafa Dınch.
Qazirgi ýaqytta Qazstat arqasynda Qazaqstannyń statıstıkalyq júıesi 80 xalyqaralyq ádistememen sáıkestendirildi.
«Sonymen qatar biz statıstıkanyń ashyqtyǵyn qamtamasyz etý boıynsha sharalar atqaryp jatyrmyz. Nátıjesinde 2012 jyly 597 myń adam kirse, bıyl qarasha aıyndaǵy jaǵdaı boıynsha, 4,7 mln. adam kirgen. Demek, statıstıkalyq málimetter qorynyń tanymaldylyǵy 8 esege artty degen sóz», - dedi Aıdapkelov.