QAZSTAT jobasy 2016 jyly tolyqtaı engizilip bitedi
ASTANA. QazAqparat - QR Ulttyq ekonomıka mınıstrligi Statıstıka komıteti QAZSTAT jobasyn engizýdi 2016 jyly aıaqtamaq. Bul týraly búgin baspasóz máslıhatynda komıtet basshysy Álıhan Smaılov málim etti.
Joba Qazaqstannyń statıstıkalyq júıesin halyqaralyq tájirıbege saı jetildirýge baǵyttalǵan.
"Joba aıaqtalǵanǵa deıin taǵy 70 jetildirilgen ádisteme engiziledi dep josparlanýda. Nátıjesinde, esep kólemi 15 paıyzǵa jeńildeıdi jáne málimet alýshylardyń qanaǵat deńgeıi 80 paıyzdan kem bolmaýy tıis", - dep atap ótti komıtet tóraǵasy.
Jobanyń seriktesteri retinde alty shetel eliniń konsortsıýmy: Germanııa, Fınlıandııa, Chehııa, Slovakııa, Ońtústik Koreıa, Reseı qatysýda. Onyń qarjylandyrylýy 23 mln. dollar shamasynda.
Aıta keteıik, QAZSTAT elimizde 2012 jyldan beri engizilýde.
"Osy jyldar aralyǵynda júzege asyrylǵan barlyq ınnovatsııalyq sheshimderdiń arqasynda biz eldegi statıstıka júıesiniń halyqqa qoljetimdiligin birneshe ese arttyra aldyq. 2014 jyldyń qorytyndysy boıynsha, Web-saıtymyzǵa 2 mln. adam kirgen. Bul 2013 jylmen salystyrǵanda 2,4 ese, 2009 jylǵa qaraǵanda 17 ese kóp. Bul - memlekettik statıstıkanyń qoljetimdi ári ashyq bola túskenin kórsetedi. Bıyl 3 mln. adam saıt málimetterin tutynady dep kútýdemiz", - dedi Á. Smaılov.
Eki jyl ishinde 22 ádisteme jetildirilgen. Jalpy statıstıkalyq quraldar BUU jáne Eýrostattyń standarttaryna saı jańartylýda.
