QAZSTAT jobasy 2016 jylǵa deıin júzege asyrylady - QR Statıstıka agenttigi
ASTANA. 13 naýryz. QazAqparat - Memlekettik statıstıka júıesin jetildirý boıynsha QR QAZSTAT jobasy 2016 jylǵa deıin 5 jylda júzege asyrylady. QR Premer-Mınıstri resmı saıtynyń habarlaýynsha, búgin Statıstıka agenttigi tóraǵasynyń orynbasary Jaser Jarqynbaev jobany júzege asyrý boıynsha vedomstvoaralyq úılestirý jumys tobynyń otyrysynda osylaı málim etken.
«Jobanyń maqsaty halyqaralyq ádisnamaǵa jáne is-tájirıbege sáıkes merziminde senimdi málimetpen qamtamasyz etý maqsatynda Memlekettik statıstıka júıesiniń tıimdiligi men nátıjeliligin arttyrý bolyp tabylady. Jobany júzege asyrý merzimi 5 jyl, 2012-2016 jyldar aralyǵynda»,- dedi J.Jarqynbaev.
Sonymen qatar, ol jobanyń osyndaı joba túrlerine tán standarttar bolyp tabylatyn 6 komponentten turatynyn atap ótti.
Sonymen, jobaǵa statıstıka júıesi operatsııalyq qamsyzdandyrýdyń ınstıtýtsıonaldyq ortasyn jetildirý, kadr áleýetin damytý, statıstıkalyq ınfraqurylymdy, quraldary men ádisnamany jetildirý, respondentter men paıdalanýshylardyń jumysyn jetildirý, naqty salalardaǵy ádisnama men is-tájirıbeni jetildirý sııaqty bloktar kiredi.
Sonymen qatar, is-tájirıbelik júzege asyrý sheńberinde joba boıynsha 250 konsýltatsııalyq mindet, 64 oqytý semınary, 350 mamandy shetelde oqytý boljanýda.
Búgingi tańda Qazaqstan konsortsıýmnyń 22 halyqaralyq konsýltantyna bardy, 2012-2016 jyldarǵa jumys jospary solarmen birge qurylǵan bolatyn.
