«KAZsport» telearnasynda - chempıondyq úshin shaıqas
ASTANA. QazAqparat - 8 qarasha kúni Qazaqstan premer-lıgasynyń 32-týry aıasynda, almatylyq "Qaırat" pen shymkenttik "Ordabasy" fýtbol klýbtary sheshýshi kezeńde baq synasady.
Bul týraly «Qazaqstan» RTRK baspasóz qyzmeti habarlady.
Kezekti ret "KAZsport" telearnasy óz telekórermenderin fýtboldyń tikeleı translıatsııasymen qýantady.
Eki komandanyń da alǵa qoıǵan maqsattary óte joǵary. Fýtbol jankúıerleriniń qyzyqty ári umytylmas kóńil-kúıge toly oıyndy tamashalaýǵa múmkindikteri bar.
Aıta keteıik, «Qaırat» fýtbol klýby chempıondyq shaıqasta «Astana» fýtbol klýbynan bir upaı artta keledi. Premer-Lıganyń 31-shi kezeńinen keıin 42 upaı jınaǵan «Qaırat» ekinshi orynda bolsa, «Ordabasy» týrnır kestesiniń 4 qataryn ıelengen.
Bul komandalardyń taǵdyryn fınaldyq match sheshetin bolady. Atalǵan tartysta astanalyq fýtbol klýby óz múmkindigin jiberip alsa da, Qazaqstan chempıony ataǵyn ıelenýge eshkim kedergi bola almaıdy. Sonda da, «Qaıratqa» mińdetti túrde jeńis kerek! Qalaı bolsa da, sheshýshi kezeńniń qorytyndy matchy jankúıerlerge qyzyqty oıyn syılamaq.
Osy jeksenbide "KAZsport" telearnasyn 14.50-de qosyp, oıyndy tamashalaıyq!
