«KAZsport» telearnasyna - 1 jyl!
ASTANA. QazAqparat - Osydan týra 1 jyl buryn, 2013 jyldyń 1 shildesinde «Qazaqstan» Respýblıkalyq teleradıokorporatsııasynyń negizinde elimizde táýligine 21 saǵat boıy habar taratatyn tuńǵysh «KAZsport» telearnasy jumys isteı bastady. Arnaıy mamandandyrylǵan telearna Elbasy N.Nazarbaevtyń tapsyrmasy boıynsha quryldy.
Aty ańyzǵa aınalǵan gımnastshy, Olımpıada oıyndarynyń bes dúrkin chempıony Nellı Kım «KAZsport» telearnasyn týǵan kúnimen quttyqtady. Osy merekege oraı ol óziniń tarıhı mekeni - Qazaqstanǵa «Qazaqstan» Respýblıkalyq teleradıokorporatsııasynyń shaqyrýmen keldi. Sportshy sporttaǵy alǵashqy jetistikterge qol jetkizýine muryndyq bolǵan Shymkent qalasyna bardy. Bul týraly «Qazaqstan» Respýblıkalyq teleradıokorporatsııasynyń baspasóz qyzmetinen habarlaıdy.
Bir jyl ishinde «KAZsport» telearnasynyń kórermenderi tikeleı efırden 2000-ǵa jýyq sporttyq translıatsııalardy tamashalady. Sheteldiń barlyq sporttyq sharalarynda telearnanyń túsirilim toptary jumys istedi.
12 aı ishinde «KAZsport» aty ańyzǵa aınalǵan sport qaharmandary, sport túrleri boıynsha komandalar jaıynda 36 derekti fılm túsirdi. «Qaıdasyńdar, chempıondar?» tsıkly sheńberinde 87 baǵdarlama túsirilip, efırge berildi. Munyń barlyǵy kún saıyn efırge shyǵatyn jańalyqtarmen jáne arnaıy reportajdarmen tolyqtyrylyp otyrdy.
«KAZsport» sonymen qatar álemdik tájirıbeni de engizýde. Alǵash ret otandyq teledıdar tarıhynda onyń kommentatorlary tikeleı oqıǵa ornynan - Brazılııadaǵy fýtboldan álem chempıonaty ótip jatqan stadıondardan jumys isteýde. Atalmysh tájirıbe keleshekte de jalǵasyn tabady.
Ústimizdegi telemaýsymda telearna aǵylshynnyń Premer-Lıgasyn, jazǵy Azııa oıyndaryn, jasóspirimder arasyndaǵy Olımpıada oıyndaryn, Almatyda ótetin aýyr atletıkadan álem chempıonatyn jáne taǵy da basqa sport sharalaryn kórsetýdi josparlap otyr.
«KAZsport» telearnasynyń týǵan kúnine oraı birneshe iri joba ázirlendi. Sonyń biri - aty ańyzǵa aınalǵan gımnastshy, Olımpıada oıyndarynyń bes dúrkin chempıony týraly túsirilgen «Nasha Kımanellı» derekti fılmi. Telearna otandyq teledıdar tarıhynda alǵash bolyp ataqty chempıon týraly ómirbaıandyq fılm túsirdi. Arnaıy túsirilim toby AQSh-ta, onyń birinshi sport mektebi saqtalǵan Shymkentte jáne Almaty qalasynda bolyp qaıtty. Bas qaharmannyń qatysýymen derekti fılmniń tusaýkeseri erteń, 1 shilde kúni saǵat 19.00-de Astanadaǵy «Kerýen» saýda ortalyǵynda «Kinopark 7IMAX 3D» ótedi.
Otandyq sport telearnasyn týǵan kúnimen sonymen qatar grek-rım kúresiniń palýany, altyn medal ıelengen qazaqtan shyqqan tuńǵysh Keńes Odaǵynyń sport sheberi, álem jáne Olımpıada chempıony Jaqsylyq Úshkempirov, eki dúrkin álem chempıony, bokstan Olımpıada oıyndarynyń chempıony, QR Eńbek sińirgen sport sheberi Serik Sápıev, qazaqstandyq tuńǵysh Olımpıada oıyndarynyń eki dúrkin jáne álemniń úsh dúrkin chempıony, Qazaqstannyń Eńbek sińirgen sport sheberi Ilıa Ilın jáne taǵy da basqa tanymal sportshylar quttyqtady.
