«KAZsport» telearnasy tamyzdyń ortasynda birneshe qyzyqty sport jarystaryn kórsetedi
ASTANA. QazAqparat - «KAZsport» telearnasy tamyzdyń ortasynda birneshe qyzyqty sport jarystaryn tikeleı efırde kórsetedi, dep habarlady «Qazaqstan» respýblıkalyq teleradıokorporatsııasynyń baspasóz hatshysy Raýan Esqalı.
Fýtbol jankúıerleri 2014 jylǵy 16 tamyz jáne 2015 jylǵy 14 mamyr aralyǵynda «KAZsport» telearnasynan aǵylshyn premer-lıgasynyń tikeleı kórsetilimin tamashalaı alady.
Fýtboldan shet el chempıonattarynyń ishinen aǵylshyn premer-lıgasy Qazaqstandyq fýtbol jankúıerleriniń arasynda úlken qyzyǵýshylyq týdyrady. Álemniń eń «baı» fýtbol lıgasyna árqaısysy 38 matchtan ótkizetin Anglııanyń 20 klýby qatysady (Manchester ıÝnaıted, Lıverpýl, Arsenal, Chelsı, Manchester Sıtı jáne t.b.).
Aǵylshyn premer-lıgasy kóp jyldar boıy álem boıynsha barlyq fýtbol chempıonattarynyń ishinde kórermenderdiń basym bóligine ıe. Ony álemniń 200 memleketinde translıatsııalaıdy. Týrnır aýdıtorııasy 600 mıllıon adamdy quraıdy.
Alǵashqy matchtyń translıatsııasynyń bastalýy 16 tamyz kúni Astana ýaqyty boıynsha 17.45. Basqa kezdesýlerdiń ýaqyty týraly qosymsha habarlanady.
Bul rette, álemniń basqa túkpirinde qytaıdyń Nankın qalasynda sporttyń 33 túri boıynsha 14 pen 18 jas aralyǵynda jasóspirim sportshylar arasynda ekinshi jazǵy olımpıada oıyndary bastalady. Qazaqstannyń atynan sporttyń 20-dan astam túrinen 51 sportshy baq synasady.
Atalǵan jarystardy «KAZsport» telearnasy tikeleı efırden kórsetip otyrady. Ashylý saltanaty 16 tamyz kúni Astana ýaqyty boıynsha 18.00-de jáne jabylý saltanaty 28 tamyz kúni saǵat 18.00-de. Oıyndardy translıatsııalaý ýaqyty qosymsha habarlanady.
«KAZsport» sporttyq telearnasy Almaty qalasynda Balýan Sholaq atyndaǵy sport saraıynda erler arasynda ótetin voleıbol jarysy boıynsha IV Azııa chempıonatynyń translıatsııasyn bastaıdy. Atalǵan týrnırge Qazaqstan, Japon, Koreıa, Úndistan, Qytaı, Iran, Avstralııa, Taıland qatysyp, jarys qorytyndylary boıynsha 2015 jylǵy álem lıgasyna úzdik komandalar irikteletin bolady. Týrnırdiń bastalýy kúndelikti jergilikti saǵat 14.00-de. Ashylý saltanaty 18 tamyz kúni saǵat 18.00-de, marapattaý jáne jabylý saltanaty 24 tamyz kúni 19.30-da.
«KAZsport» telearnasy 25-31 tamyz aralyǵynda reseıdiń Chelıabınsk qalasynyń «Traktor» arenasynan dzıýdo boıynsha Álem chempıonatyn translıatsııalaıdy. Jarys barysynda erler men áıelder arasynda 14 salmaq kategorııasy boıynsha álem chempıony anyqtalady, sondaı-aq eki toptyq birinshilik ótedi. Chempıonatqa álemniń 140 memleketiniń ókilderi qatysady.
29-31 tamyz aralyǵynda Astanada taekvondonyń «Álemdik Gran-prı serııasy» (WTF) Olımpıadalyq túri boıynsha halyqaralyq týrnır ótedi. Sóıtip, Astana qalasy týrnırdi ótkizý kúnderi álemniń dańqty sportshylary bas qosatyn taekvondonyń dúnıejúzilik ortalyǵyna aınalady.
«Álemdik Gran-prı serııasy» - eń kóp upaı jınap, álemdik reıtıngke engen sportshylar qatysatyn bedeldi doda. Jarysqa álemniń 30 memleketinen 288 sportshy qatysady. «KAZsport» telearnasy atalǵan týrnırdiń de translıatsııasyn júrgizetin bolady.
«KAZsport» telearnasy 8-14 qyrkúıek aralyǵynda Tashkentte grek-rım, erkin jáne áıelder kúresi boıynsha Álem chempıonatyn da nazarynan tys qaldyrmaıdy. Oǵan 100-den astam memlekettiń sportshylary qatysady dep boljanýda.
