«Kazsport» telearnasy sambodan álem chempıonatyn kórsetedi
ASTANA. QazAqparat - Qarashanyń 13-i men 15-i aralyǵynda Marokkonyń Kasablanka qalasynda sambodan álem chempıonaty ótedi. Atalǵan sport túrimen aınalysatyn barlyq juldyzdardyń basy qosylar jarysta qazaqstandyqtardy da erekshe atap ótýge bolady, dep habarlaıdy "Qazaqstan" RTRK AQ baspasóz qyzmeti.
Qazaqstan quramasynyń aldyna qoıylǵan maqsat - byltyr Japonııada ótken álem chempıonatyndaǵy nátıjeden kem túspeý. Kúnshyǵys elinde otandastarymyzdyń 3 altyn, 1 kúmis jáne 6 qola júlde utyp alǵanyn esterińizge sala ketemiz.
Bul jyly da ulttyq qurama jetekshileri sporttyq sambodan tórt dúrkin álem chempıony Erbolat Baıbatyrovqa, áskerı sambodan úsh dúrkin álem chempıony Almas Súleımenovke, áskerı sambodan eki dúrkin álem chempıony Arman Ospanovqa erekshe senim artady.
Komanda qatarynda talantty jastar da joq emes. Solardyń biri qyzdar arasyndaǵy sporttyq sambo sheberi - Dildásh Quryshbaeva. «Kazsport» sambodan ótetin álem chempıonatyn 14 jáne 15 qarasha kúnderi kórsetýdi josparlaýda.
Sambodan álem chempıonatynyń «Kazsport» telearnasyndaǵy kórsetilim kestesi:
14 qarasha, saǵat 09.20 - birinshi jarys kúniniń translıatsııasy;
15 qarasha, saǵat 13.45 - ekinshi jarys kúniniń translıatsııasy;
15 qarasha tikeleı efır - saǵat 01:00 qorytyndy jarys kúniniń translıatsııasy.
