«Kazsport» telearnasy men «Astana» basketbol klýby yntymaqtastyqty keńeıtýde (FOTO)
ASTANA. QazAqparat - Qazaqstandyq komandalardyń basketboldan ótetin úıdegi jarystaryn («VTB lıgasy» jáne «FIBA-Eýropa Kýbogy» týrnırleriniń sheńberinde) translıatsııalaý maqsatynda kóshpeli stýdııa barlyq maýsym boıy arenada tikeleı qyzmet kórsetedi.
Árbir matchtyń aldynda sarapshylar, oıynshylar, mamandar, bapkerler, jankúıerler televızııalyq basketbol aýdıtorııasyna qonaqqa kelip, «Kazsport» telearnasynyń kommentatorlarymen birge aldaǵy jarystyń negizgi shıelenisterin, sıýjettik jelilerin taldaıtyn bolady. Kóshpeli stýdııa qyzmet kórsetetin birinshi match Kıprlik «AEK» klýbyna qarsy («FIBA-Eýropa Kýbogy» týrnıri sheńberinde) ótetin kezdesý bolmaq. Osy oıyn 29 qazan kúni «Astana» BK úıdegi kezdesýleri uıymdastyrylatyn elordalyq «Saryarqa» velotreginde ótedi dep kútilýde.
«Kazsport» telearnasynda translıatsııanyń bastalýy saǵat 19:30-da (Astana ýaqyty). «Kazsport» telearnasy men «Astana» basketbol klýbynyń yntymaqtastyǵy úshinshi maýsymda da óz jalǵasyn tapty (2013-2014, 2014-2015, 2015-2016). «Kazsport» telearnasy Qazaqstan Respýblıkasynyń aýmaǵynda «VTB lıgasynda» «Astana» BK matchtarynyń resmı taratýshysy jáne «Astana» BK úıdegi matchtarynyń Host-habar taratýshysy bolyp tabylady, dep habarlaıdy «Qazaqstan» RTRK» AQ baspasóz qyzmeti.
