«KAZsport» telearnasy Qazaqstannyń 65-70 paıyz kórermenderin qamtıtyn bolady

Bul týraly búgin arnanyń ashylý saltanatynda «KAZsport» telearnasynyń dırektory Dıas Ahmetshárip málim etti.

"Biz búgin "Qazaqstan" ulttyq TRK bir quramy retinde arnaıy mamandandyrylǵan sport arnasyn iske qostyq. Arna táýligine 20 saǵat habar taratady. Arna bizdiń efırlik kestemizge saı Qazaqstannyń ishki jarystarymen qatar, sheteldik iri dodalardan tikeleı efırde tolyq nusqada translıatsııa kórsetemiz. Onyń úlesi kestede 70 paıyz bolady, 20 paıyzy - jańalyqtar, ishki ónim, baǵdarlamalar, 10 paıyzymyz - ol derekti fılmder", - dedi Dıas Ahmetshárip.

Onyń aıtýynsha, arna habarynyń 50 paıyzyn memlekettik tilde, 50 paıyzyn resmı tilde taratatyn bolady.

"Biz Intelsat jerserigi arqyly "Otaý tv" júıesimen kelisimshartqa otyrdyq. Sonymen qatar jeke 37 kabeldik arnalar taratý operatorlary arqyly taraımyz. Bárin esepke alǵanda Qazaqstannyń 65-70 paıyz kórermenderin qamtıtyn bolady. Aldaǵy ýaqytta kabeldik operatorlardyń sanyn arttyra beretin bolamyz", - dep atap ótti arna dırektory.