Kazsport telearnasy Golovkın-Brýk jekpe-jegin tikeleı efırde kórsetedi
ASTANA. QazAqparat - «Kazsport» qazaqstandyq telearnasy ataqty boksshy, orta salmaqtaǵy WBA(Super), IBO, WBC jáne IBF nusqalary boıynsha álem chempıony Gennadıı Golovkın (35-0, 32 KO) men IBF nusqasyndaǵy tıtýl ıegeri brıtandyq Kell Brýk (36-0, 25 KO) arasyndaǵy jekpe-jekti tikeleı efırde kórsetetin bolady.
Bul týraly «GGG» tobynyń Instagram áleýmettik jelisinde habarlandy.
«Anglııanyń «O2» arenasynda 10 qyrkúıekte ózimniń alǵashqy úlken aıqasymdy ótkizýge daıyndalý ústindemin. Jekpe-jek tikeleı efırde «HBO Boxing», «Skysports» jáne «Kazsport» arnalarynda kórsetiletin bolady», - dep jazady áleýmettik jelide G.Golovkın.
Eske sala keteıik, Gennadıı Golovkın men brıtandyq boksshy Kell Brýk arasyndaǵy aıqas 10 qyrkúıekte London qalasyndaǵy 20 myń adamǵa arnalǵan «O2» arenasynda ótedi. Sharshy alańdaǵy sheberler ónerin búkil álemdegi mıllıondaǵan «GGG» jankúıerleri taǵatsyzdana kútip otyrǵanyn eske salǵymyz keledi. Aıta keterligi, Londonda ótetin Golovkınnyń kezekti jekpe-jegine bıletter áp-sátte satylyp ketken. Al jerlesimiz Gennadıı óziniń osynaý kezdesýin kelip tamashalaý úshin QR Premer-Mınıstri Kárim Másimovtyń atyna arnaıy shaqyrtý hatyn da joldaǵan bolatyn.
