16:23, 07 Qarasha 2016 | GMT +6
«Kazsport» telearnasy fýtboldan Ispanııa chempıonatyn translıatsııalaı bastaıdy - Dáýren Abaev
ASTANA. QazAqparat - Aqparat jáne kommýnıkatsııalar mınıstri Dáýren Abaev Feısbýktegi paraqshasynda fýtbol jankúıerlerin qýantatyn jańalyqty jarııalady.
«Qymbatty dostar!
Sportsúıer qaýymdy, ásirese fýtbol jankúıerlerin qýantatyn myna bir jańalyqty ózderińizben bólisip qoıǵym keledi.
19 qarashadan bastap «Kazsport» telearnasy fýtboldan Ispanııa chempıonatyn translıatsııalaı bastaıdy.
Qazaqstandyq tarap úshin tıimdi bolǵan bul kelisimge translıatsııalaý quqyǵynyń ıelerimen aradaǵy júıeli kelissózdiń arqasynda qol jetip otyr.
Qalyń kórermenniń suranysyna ıe jobalardy otandyq televızııaǵa tartý jumystary odan ári jalǵasa bermek»,-dep jazady D. Abaev.
