«Qazsport» telearnasy dzıýdodan Álem chempıonatyn kórsetedi
ASTANA. QazAqparat - «Qazsport» telearnasy 24-30 tamyz aralyǵynda ótetin dzıýdodan Álem chempıonatyn tikeleı efırden kórsetedi.
Bul týraly «Qazaqstan» RTRK baspasóz qyzmeti habarlaıdy.
«Dzıýdo Federatsııasy» RAA men «Qazaqstan» RTRK» AQ arasynda alǵash ret Qazaqstanda ótkeli otyrǵan dzıýdodan Álem chempıonatyn translıatsııalaýdań eksklıýzıvti quqyǵyn berý jaıly kelisimge qol jetkizilip, tıisti Shartqa qol qoıyldy», - dep habarlady «Qazsport» telearnasynyń bas redaktory Asqat Saǵynaev.
Atalmysh shara 24-30 tamyz aralyǵynda «Alaý» muz aıdynynda ótedi. «Qazsport» telearnasy chempıonattyń irikteý jáne aqtyq kezdesýlerin tikeleı efırden kórsetedi. Tańerteńgi kezdesýler saǵat 11.00-de, keshki kezdesýler saǵat 17.00-de bastalady.
Búgingi tańda 123 elden 823 sportshy chempıonatqa qatysatynyn rastap, sharany jan-jaqty baıandaý úshin álemniń túkpir-túkpirinen 160 buqaralyq aqparat qyzmetiniń ókilderi tirkeýden ótti.
