«Kazsport» telearnasy «Astana» men fın quramasy jáne «Qaırat» pen shotlandyq «Aberdına» arasyndaǵy matchtardy kórsetedi
ASTANA. QazAqparat - Búgin «Kazsport» telearnasynyń efırinen «Astana» jáne fın quramasy «Hık» arasyndaǵy fýtboldan kezdesý matchy translıatsııasy kórsetiledi. Erteń, ıaǵnı 30 shilde kúni «Kazsport» telearnasy «Qaırat» FK-nyń shotlandyq «Aberdına» quramasyna qarsy óz alańyndaǵy matchyn kórsetedi.
Bul týraly "Qazaqstan" ulttyq teelearnasynyń baspasóz qyzmeti habarlady.
Búgin, ıaǵnı 29 shilde kúni Chempıondar lıgasy úshinshi biliktilik raýndynda «HIK-qa» syrt alańdaǵy match bastalady. Match Helsınkı qalasyndaǵy stadıonda ótkiziledi, bastalýy Astana ýaqyty boıynsha saǵat 21:50-de.
Esterińizge sala keteıik, «Astana» fýtbol quramasy slovenııalyq «Marıbor» quramasyn ekinshi biliktilik raýndta eki match upaıynyń jıyntyǵy boıynsha 3:2 esebimen utqan bolatyn. Al «HIK» latvııalyq «Ventspılsom» quramasyn 4:1 esebimen utty. Búgingi kúni reıtıngtik kórsetkishte «Astana» quramasy 229 orynda, al «HIK» 136 orynda tur.
Bir kúnnen keıin, ıaǵnı 30 shildede «Qaırat» fýtbol klýby óz alańynda shotlandııalyq «Aberdına» quramasyn qabyldaıdy. Bul qaırattyqtardyń Eýropa Lıgasynyń úshinshi biliktilik raýndyndaǵy birinshi kezdesýi. Ótken irikteý kezeńinde «Qaırat» armıandyq «Alashkert» quramasyn eki kezdesýdiń upaıy boıynsha 4:2 esebimen utqan bolatyn.
Sársenbi, 29 shilde, saǵat: 21:50. «Astana» FK jáne «HIK» FK arasyndaǵy match.
Beısenbi, 30 shilde. 20:30. «Qaırat» FK «Aberdın» FK arasyndaǵy match.
