«KAZsport» telearnasy Anglııa premer-lıgasynyń fýtbol matchtaryn kórsetetin bolady
ASTANA. QazAqparat - «KAZsport» telearnasy fýtboldan Anglııa premer-lıgasyn translıatsııalaý quqyǵyn satyp aldy. Bul týraly búgin baspasóz máslıhaty barysynda telearna dırektory Dıas Ahmetshárip málim etti.
«Biz jaqynda Anglııa premer-lıgasyn translıatsııalaýdy bastaıtyn bolamyz. Qazirgi ýaqytta kórsetilim quqyǵyn rásimdeý boıynsha usaq qujat jumystaryn aıaqtaý ǵana qaldy jáne 2014 jyldyń tamyz aıynan bastap, biz Anglııa chempıonatynyń tolyqqandy translıatsııasyn jasamaqpyz», - dedi ol.
Onyń aıtýynsha, kórsetilim quqyǵy eki maýsymǵa satyp alynady.
Sonymen qatar telearna aýyr atletıkadan álem chempıonatyn, Avstralııanyń jáne Ulybrıtanııanyń tennısten ashyq birinshiligi men Týr de Frans velojarysyn kórsetýdi josparlaýda.
