«Kazsport» pen «Qazaqstan» 2018 jáne 2022 jylǵy fýtboldan álem chempıonatyn kórsetedi

ASTANA. QazAqparat - Qazaqstan televızııasynyń tarıhynda tuńǵysh ret FIFA aıasyndaǵy eń úzdik týrnırlerdi kórsetýge qatysty asa aýqymdy kelisimshart júzege asyryldy. Bul týraly QR Aqparat jáne kommýnıkatsııalar mınıstri Dáýren Abaev Feısbýktegi paraqshasynda habarlady.

«Qazaqstan» RTRK» AQ («Kazsport» pen «Qazaqstan») birden fýtboldan eki álem chempıonatyn (2018 jáne 2022 jyldar) translıatsııalaýǵa quqyq ala otyryp, 6 jylǵa kelisim jasady», - delingen habarlamada.

Mınıstr keltirgen málimetke súıensek, qazaqstandyq tarap TV quqyǵyn alyp satýshy deldaldardy aınalyp ótip, negizgi quqyq ıesimen kelisim jasasýǵa qol jetkizgen. Osynyń arqasynda qomaqty qarjy únemdegen.

Odan bólek, «Kazsport» pen «Qazaqstan» telearnalary basqa da birqatar álemdik sporttyq dodalardy tikeleı translıatsııalaý quqyǵyn satyp alǵan.

«Osy eki chempıonattan basqa Qazaqstanda álemdik klýbtyq birinshilikterdi, fýtzal men jaǵajaı fýtboly boıynsha álem chempıonattaryn, áıelder, túrli jastaǵy jastar men jasóspirimder quramalary arasyndaǵy álem birinshilikterin, sondaı-aq erteń, 17-shi maýsymda bastalatyn Konfederatsııa-2017 Kýbogyn kórsetý quqyǵy satyp alyndy», - delingen habarlamada.