«KAZSPORT» kommentatorlar izdeıdi
ASTANA. QazAqparat - Kastıng 27 qazan kúni Astana qalasyndaǵy «Qazmedıa ortalyǵynda» ótkiziledi. Túıindemelerdi 25 qazanǵa deıin kazsporttv@mail.ru adresine jiberý qajet, dep habarlady «Qazaqstan» RTRK» AQ baspasóz-qyzmetinen.
«Bul - 2015 jyly ótkizilip otyrǵan úshinshi baıqaý. Alǵashqy eki konkýrstyń nátıjesinde tańdalyp alynǵan úsh kommentator qazirgi ýaqytta «Kazsport» telearnasynda jemisti qyzmet atqarýda. Kastıngtiń nátıjesinde sporttyq arnada alǵash ret mánerlep syrǵanaý jáne kórkem gımnastıka translıatsııalarynda qazaqsha áıel daýysynyń paıda bolǵanyn erekshe atap ótý kerek. «Kazsport» telearnasynyń jańa kommentatory Lılıana Áljanova mánerlep syrǵanaýdan Shanhaıda, kórkem gımnastıkadan Shtýtgart qalasynda ótken álem chempıonattaryndaǵy jumysy úshin kórermenderden joǵary baǵa aldy. Sondaı-aq, Lılıana 23 qazan kúni tusaýyn kesetin mánerlep syrǵanaýdan «Gran-prı» serııasynyń translıatsııalarynda jumys isteıdi.
«Kazsport» telearnasy baǵyn synaımyn degen úmitkerlerge, kastıngke asqan jaýapkershilikpen qaraýdy suraıdy.
Elimizdegi sport jýrnalıstıkasynyń osy bir jaýapty salasynda baǵyn synap, tanymal kommentator atanýǵa úmitti jandardyń barlyǵyn kastınge shaqyramyz!», delingen habarlamada.
