«Kazsport» Qaırat-Makkabı kezdesýin kórsete almaǵanynyń sebebin túsindirdi
ASTANA. QazAqparat - 14 shilde kúni «Kazsport» telearnasynda saǵat 21.13 men 21.57 ýaqyt aralyǵynda «Qaırat» (Qazaqstan) jáne «Makkabı» (Izraıl) arasynda ótken kezdesýiniń kórsetilimi kenetten toqtatyldy. Bul keleńsiz jaǵdaı aýa-raıy qolaısyzdyǵy áserinen ýaqytsha spýtnık sıgnalynyń joǵalyp ketýine baılanysty oryn aldy, dep habarlady «Qazaqstan» RTRK baspasóz qyzmetinen.
Match Almaty qalasyndaǵy Ortalyq stadıonda ótti. Televızııalyq seriktesterimiz bul jaǵdaıǵa túsinistikpen qarap, oıynnyń tolyq nusqasyn qaıtalap kórsetýdi josparlap otyr.
Kezdesýdi tolyq kólemde «Kazsport» telearnasy da kórsetedi. Jankúıerler bul oıyndy búgin, 15 shildede saǵat 23.30-da, erteń, 16 shildede saǵat 12.00-de, sondaı-aq, 21 shildede saǵat 16.15-te jáne 22 shildede saǵat 08.05-te kóre alady.
