«KAZsport» boksshy Janat Jaqııanovtyń kezdesýin tikeleı efırde kórsetedi
ASTANA. QazAqparat - 7 qarashada Monte-Karloda qazaqstandyq kásipqoı boksshy Janat Jaqııanov (25-1, 18 KO) pen WBA nusqasy boıynsha jeńil salmaqtaǵy (53,5 kg deıin) ýaqytsha (Interim) álem chempıony venesýelalyq Ionfres Parehonyń (17-1-1, 8 KO) jekpe-jegi ótedi.
«KAZsport» telearnasy kezdesýdi 7 qarashada Astana ýaqytymen saǵat 23:45-te tikeleı efırde kórsetedi, dep jazdy Sports.kz.
«Álemdik tıtýlǵa qol jetkizgen ár boksshy myqty. Parehomen kúsh synasý ońaı bolmaıdy dep oılaımyn. Alaıda men ol úshin osal bolmaıtynyma da senimdimin. Sońǵy 12 qarsylasymdy nokaýtqa jiberdim, 7 qarashada bul kórsetkishti 13-ke jetkizemin. Pareho, 12 kezeńde de kúsh synasyp, tıtýlyn saqtap qalady dep oılaıtyn shyǵar. Alaıda meniń soqqym tıgende ol ne bolǵanyn túsinbeı qalar», - degen Janattyń sózin Boxingscene keltirdi.
