KazSport arnasynyń tikeleı efırinde - Shúmenov pen Hopkıns
ASTANA. QazAqparat - KazSport sport arnasy jartylaı aýyr salmaqtaǵy qazaqstandyq Beıbit Shúmenov pen amerıkalyq Bernard Hopkıns arasyndaǵy chempıondyq ataqtardy biriktiretin kezdesýdi boks jankúıerlerine tikeleı efırden kórsetýdi josparlap otyr, dep habarlaıdy "Massaget".
«Atalǵan kezdesýdi taratý jónindegi kelisim sátti aıaqtaldy. Vashıngtonnan taratylatyn translıatsııa KazSport arnasynyń tikeleı efıri men Internettegi arnanyń resýrsynda kórermenge jol tartpaq. Boks keshi saǵat 17:00-de bastalady. Bul kezde Astanada 20 sáýir, saǵat 03:00 bolady. ıAǵnı aıyrmashylyq toǵyz saǵatty quraıdy. Biz josparlanǵan barlyq kezdesýlerdi kórsetpekpiz. Anderkarttan bastap (kórermender úshin negizgi jekpe-jek aldyndaǵy qyzdyryný kezdesýleri) Shúmenov-Hopkıns arasynda ótetin keshtiń basty oqıǵasy tolyǵymen qamtylmaq»,-dep málimdedi telearna dırektory Dıas Ahmetshárip.
Odan bólek, «Qazaqstan» ulttyq telearnasy da Beıbit Shúmenov pen Bernard Hopkıns arasyndaǵy chempıondardyń kezdesýin kórermenderge 20 sáýir kúni saǵat 12:00-de qaıtalaý túrinde usynady.
Esterińizge salar bolsaq, jartylaı aýyr salmaqtaǵy WBA tujyrymy boıynsha álem chempıony, 31 jastaǵy Beıbit Shúmenov pen IBF belbeýiniń ıesi, 49 jastaǵy Bernard Hopkıns arasyndaǵy jekpe-jek 19 sáýir kúni AQSh astanasy Vashıngtonda ótedi. Býkmekerlik keńselerdiń pikirinshe, bul keshtiń favorıti Bernard Hopnıks bolyp otyr. Dálirek aıtsaq, olar amerıkalyq boksshynyń jeńisine 1.46 koeffıtsıent berse, Shúmenovtiń jeńisi 3 koeffıtsıentke baǵalandy. Al eger qos boksshy teń túsip jatsa, osy oqıǵaǵa tikken somańyz 30 ese kóbeıedi.
