«Qazselqorǵaý» Almaty mańyndaǵy kóshkin júrý qaýpi bar ýchaskeler men morena kólderin zertteýde (FOTO)
ASTANA. QazAqparat - 15 jeltoqsanda Іle Alataýynyń batysyndaǵy Uzyn Qarǵaly ózeni basseıninen bastap shyǵystaǵy Sol jaq Talǵar ózeni basseınine deıin qar kóshkini júrý qaýpi bar ýchaskeler men morena kólderiniń jaǵdaıyn aerovızýaldyq zertteý ótkizildi, dep habarlaıdy «Qazselqorǵaý» MM-niń baspasóz qyzmetinen.
Ushý tústen keıin «Qazáýequtqarý» AQ-nyń Ka-32 tikushaǵymen oryndaldy, ushý ýaqyty 3 saǵattan astam ýaqytty qurap, teńiz deńgeıinen 4000 metrge deıingi bıiktikte oryndaldy.
Ushý maqsaty - qar kóshkini júrý qaýiptiligin baǵalaý, joǵary taýlardaǵy morena kólderi men muzdyqtardyń, sel oshaqtarynyń jaǵdaıyn zertteý.
Aerovızýaldyq zertteýge Almaty qalalyq TJD, «Geografııa ınstıtýty» JShS-niń mamandary qatysty.
22 jeltoqsanda Esik ózeni basseıninen bastap Shelek ózeniniń basseınine deıingi aralyqta Іle men Kúngeı Alataý jotalarynyń qar kóshkini júrýi qaýpi bar ýchaskeleri men morena kólderiniń jaǵdaıyn aerovızýaldyq zertteý josparlanyp otyr.
