«Qazseldenqorǵaý» mekemesi Esentaı ózenindegi ahýaldy túsindirdi
ALMATY. QazAqparat - «Qazseldenqorǵaý» memlekettik mekemesi almatylyqtardyń Esentaı ózenindegi ahýalǵa qatysty ótinishterine jaýap berdi, dep habarlaıdy QazAqparat tilshisi.
Mekemeniń málimetine sáıkes, Esentaı ózeniniń arnasyn turaqtandyrý úshin jaǵalaýdyń sý shaıyp, búlingen ýchaskelerine beton tósemi tartylyp, qalpyna keltirý jumystary júrgizilýde.
«6 sáýir kúni «Qazseldenqorǵaý» MM mamandary nysandy tekserip, ál-Farabı dańǵylynan tómen 1 barrajda kaskadtyń tik dıafragmasynda qalyńdyǵy shamamen 2-3 sm jaryqshaqtyń paıda bolǵanyn anyqtady. Sonyń saldarynan tehnıkalyq joldyń topyraǵy jaryqshaqqa aǵyp ketip, erozııaǵa ushyraǵan. Barlyq tıisti jumystar tolyq kólemde júrgizildi», - delinedi Qazseldenqorǵaýdyń habarlamasynda .
Eske salaıyq, buǵan deıin almatylyqtar Esentaı ózeni arnasynyń jaı-kúıine alańdaýshylyq bildirgen bolatyn.
