«Qazseldenqorǵaý» mamandary jol qar kóshkininiń aldyn alý jumystaryn júrgizdi
ASTANA. QazAqparat - 2017 jyldyń 6 qańtarynda «Qazseldenqorǵaý» MM mamandary jol qaýipsizdigin qamtamasyz etý maqsatynda, «Óskemen -Taýly Úlbi-Severnoe» avtojolyndaǵy 34+800m shaqyrymda qar kóshkininiń aldyn alý jumysyn júrgizdi, dep habarlaıdy mekemeniń baspasóz qyzmeti.
Nátıjesinde 3100 tekshe metr qar tústi. Qar massasy avtojoldy jartylaı jaýyp qaldy. «Oblshyǵysjol» KMK-nyń 3 dana qar tazalaǵysh tehnıkalary jumys istedi. Saǵat 13:40-te jol júrý qamtamasyz etildi. Profılaktıkalyq jarylys kezinde eshkim zardap shekken joq. Qazirgi ýaqytta atalǵan aımaqtaǵy avtojol qaýipsiz.
Jalpy jumystarǵa 22 adam jáne 8 tehnıka birligi jumyldyryldy.
