Qazseldenqorǵaý basshysy taǵaıyndaldy

ASTANA. KAZINFORM – Tótenshe jaǵdaılar vıtse-mınıstri Erbolat Sadyrbaev «Qazseldenqorǵaý» memlekettik mekemesiniń ujymyna jańa basshyny tanystyrdy.

QR Tótenshe jaǵdaılar mınıstriniń buıryǵyna sáıkes «Qazseldenqorǵaý» memlekettik mekemesiniń basshysy bolyp Aslan Sabyrjanuly taǵaıyndaldy.

Aslan Sabyrjanuly 1983 jyly Almaty qalasynda dúnıege kelgen. Joǵary bilimi bar. Ár jyldary memlekettik organdarda jáne jekemenshik qurylymdarda qyzmet atqarǵan. Buǵan deıin Qazaqstan Respýblıkasy Tótenshe jaǵdaılar mınıstrliginiń «Seldenqorǵaý Qurylys» sharýashylyq júrgizý quqyǵyndaǵy respýblıkalyq memlekettik kásipornynyń dırektory qyzmetin atqardy. 

Eske salsaq keshe «Qazseldenqorǵaý» MM basshysy bolǵan Erbolat Sadyrbaev Tótenshe jaǵdaılar vıtse-mınıstri bolyp taǵaıyndalǵan edi. 

Aıta keteıik, saıasat, ekonomıka, bıznes, ǵylym, mádenıet sekildi túrli salada el damýyna eleýli úles qosqan tanymal qazaqstandyqtardyń ómirbaıany men qyzyqty málimetterdi myna jerden oqı alasyz.