Qazseldenqorǵaý: Almaty oblysynyń taýlarynda jynystardyń yǵysý múmkindigi saqtalady
ASTANA. QazAqparat - «Qazseldenqorǵaý» memlekettik mekemesi Almaty oblysynyń taýlaryn aerovıýzaldyq zertteý nátıjelerin jarııalady, mamandar bıiktaýly kólder men muzdyqtardyń jaı-kúıin zerttep, jynystardyń yǵysý qaýpin baǵalady.
«Barlyq taý kólderi qysqy rejımde. Olardaǵy qardyń erýi belgileri baıqalady. Joǵary taýly aımaqtardaǵy ózender alabynda sýdyń aǵýy norma sheginde. Yǵysý úderisteri jynystardyń óte dymqyldanýy saldarynan qalyptasty. Bıik taýlarda qar kóshkini júrýi baıqalady. Jynystardyń yǵysýy múmkindigi saqtaýlda. Ásirese, Qasqeleń, Úlken jáne Kishi Almaty, Esik ózenderiniń alaptarynda jáne taýlardy kesip, avtojol jáne úıler salynǵan betkeılerde (Qaskeleń-Úlken Almaty ózenderi ańǵarynda) bolýy múmkin», - delingen habarlamada.
Qazseldenqorǵaý málimetteri boıynsha, jaýyn-shashyn kúsheıse, Aqjar, (Aqsaı), Qyzyljar, (Aqsaı), Qumbel (Úlken Almaty) ózenderinde shaǵyn sel júrýi múmkin.
