«KazSat» júıesi esebinen 45 mln dollar únemdeldi

ASTANA. QazAqparat - QR Qorǵanys jáne aeroǵarysh ónerkásibi mınıstri Beıbit Atamqulov qazaqstandyq spýtnıkterdi paıdalaný múmkindigi týraly baıandady, dep habarlaıdy QazAqparat.

«KazSat» ǵaryshtyq júıesin paıdalaný merzimi aralyǵynda sheteldik jer serikteri resýrstaryn paıdalanýdy qysqartý esebinen 27 mlrd teńge kóleminde ımportty almastyrý qamtamasyz etilip, 14,7 mlrd teńge somasynda kiris boldy. Eger de «KazSat» spýtnıkteri bolmasa, jyl saıyn bizdiń tutynýshylar sheteldik jer serikteriniń qyzmetine 45 mln AQSh dollaryn tóler edi»,-dedi mınıstr Parlament Májilisindegi Úkimet saǵatynda.

Jerdi qashyqtyqtan zondtaý eki spýtnıginen turatyn «KazEOSat-1», «KazEOSat-2» apparattaryn kommertsııalyq paıdalanýdan túsken tabys Qazaqstanda 760 mln teńgeni qurady, al shetelde kiris somasy 143 teńgege jetti.

Aıta ketý kerek,  2016 jyldan bastap memlekettik organdarǵa óteýsiz negizde shamamen quny 12 mlrd teńge quraıtyn 20 mln sharshy shaqyrym aýmaqtyń sýretteri berildi. Mysalǵa, sheteldik operatorlardyń tarıfterimen uqsas ǵarysh sýretterin satyp alǵan jaǵdaıda, onyń quny 23 mlrd teńgeni quraýshy edi.