KazSat iske qosylǵaly beri 17 mlrd teńge paıda ákeldi

ASTANA. QazAqparat - Osydan 14 jyl buryn, 2004 jyldyń 18 naýryzynda QR Úkimetiniń qaýlysymen «Respýblıkalyq ǵaryshtyq baılanys ortalyǵy» AQ qurylǵan bolatyn, dep habarlaıdy «QazAqparat» HAA tilshisi.

Ortalyqtyń baspasóz qyzmetinen habarlaǵandaı, 2018 jyldyń basynda «KazSat-2» (2001 jyly ushyryldy) qazaqstandyq baılanys jáne aqparat taratý spýtnıginiń júktelýi 65 paıyz bolsa, «KazSat-3» (2014 jyly ushyryldy) 80 paıyzdan artyq kórsetkishke qol jetkizgen.

2017 jyly «KazSat» sheteldik spýtnıktik resýrstardy qysqartý esebinen 12 mlrd teńgege ımport almastyrýdy qamtamasyz etip, 5 mlrd teńgeden astam paıda ákeldi. Jalpy 2011 jyldan beri «KazSat» 34 mlrd teńgege ımport almastyryp, 17 mlrd teńgeden astam paıda ákelgen.

«Respýblıkalyq ǵaryshtyq baılanys ortalyǵy» AQ prezıdenti Vıktor Lefter 2017 jyldyń sońyna qaraı kásiporyn shyǵyndaryn tolyqtaı jaýyp, paıda taba bastaǵanyn aıtty. Sonymen birge ortalyqty eń úlken jetistikteriniń biri, 2017 jyly otandyq televıdenıeniń tolyqtaı qazaqstandyq spýtnıkterge ótýi.

2023 jyldyń sońynda «KazSat-2» spýtnıginiń qyzmet etý merzimi aıaqtalady. Sondyqtan Respýblıkalyq ǵaryshtyq baılanys ortalyǵynda ony ýaqytynda aýystyrý jumystary bastalyp ketti.