KazSat ǵarysh júıesiniń jańa býyny qandaı bolady

NUR-SULTAN. QazAqparat – «Respýblıkalyq ǵaryshtyq baılanys ortalyǵy» AQ basqarma tóraǵasynyń orynbasary Vasılıı Leonov KazSat ǵarysh júıesin ary qaraı damytý jospary týraly aıtty, dep habarlaıdy QazAqparat tilshisi.

«KazSat ǵarysh júıesin ary qaraı damytýǵa erekshe nazar aýdaryp otyrmyz. Osy orada perspektıvaly ǵaryshtyq baılanysty qurý boıynsha ázirlemeler jalǵasady. Qazirgi kezde ol KazSat 3R ýaqytsha ataýǵa ıe bolyp otyr. Ol qoldanystaǵy KazSat 3 spýtnıgin almastyrý úshin arnalǵan. Jobaǵa deıingi jumystar bizde 2024 jylǵa belgilengen», - dedi Vasılıı Leonov Digital Bridge halyqaralyq tehnologııalyq forýmynda

Onyń sózine qaraǵanda, bul júıeniń nusqasy ǵarysh apparattaryn shyǵaratyn aldyńǵy qatarly kompanııalardyń zamanaýı sheshimderin qoldanýǵa baǵdarlanady.

«2024 jylǵa deıin ózgerister men transformatsııalar engiziletinin, jańashyldyqtar paıda bolatynyn túsinemiz. Osy ǵarysh júıesin daıarlaý kezinde bul aspektiler eskeriledi. Qazir negizgi baǵdarlar spýtnıktik telearnany trendtik damytýǵa júrip jatyr», - dedi Vasılıı Leonov.

Buryn habarlanǵandaı, elordada úshinshi ret Digital Bridge halyqaralyq tehnologııalyq forýmy 28-29 qazan aralyǵynda ótip jatyr.

Bıylǵy forýmnyń taqyryby - Digital Era Lifestyle. QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın «Tsıfrlandyrý, ınnovatsııa jáne ǵylym arqyly tehnologııalyq serpilis» ulttyq jobasyn usyndy.