KazSat-3 shtattyq rejımde jumys istep tur - RǴBO
ASTANA. QazAqparat - Búgin 27 jeltoqsanda KazSat-3 spýtnıgi jumys istemeı qaldy nemese baılanystan ajyrap qaldy degen aqparat shyndyqqa janaspaıdy, dep habarlady «QazAqparat» tilshisine «Respýblıkalyq ǵarysh baılanysy ortalyǵy» (RǴBO) AQ dırektory Vıktor Lefter.
Búgin qazaqstandyq 15 arnanyń bir saǵat boıy jumys istemeı qalýyn eldegi aqparattyq portaldardyń biri KazSat-3 spýtnıgimen baılanystyrǵan. Atalmysh ortalyqtyń dırektoryna osy aqparatqa baılanysty naqty málimdeme jasaýyna týra kelgen.
«Spýtnık shtattyq rejımde jumys istep tur. Oǵan shaǵymdanýdyń eshqandaı reti joq. Eshqandaı operatordan ázirge shaǵym túsken joq», - dedi Vıktor Lefter.
KazSat-3 spýtnıgi Baıqońyrdan 2014 jyldyń 28 sáýirinde ushyrylǵan bolatyn. Spýtnık QR aýmaǵynan basqa Reseıdiń ortalyǵymen Ortalyq Azııa elderine sıgnal taratady.
