«KazSat-2» jer seriginiń orbıtaldy synaqtary bıylǵy jyldyń qazanynda aıaqtalady dep josparlanýda
ANA. 19 qyrkúıek. QazAqparat /Aıdar Ospanalıev/ - «KazSat-2» jer seriginiń orbıtaldy synaqtary bıylǵy jyldyń qazanynda aıaqtalady dep josparlanýda. Buny búgin Parlament Májilisinde ótken Úkimet saǵatynda Ulttyq ǵarysh agenttiginiń tóraǵasy Talǵat Musabaev aıtty.
Agenttik tóraǵasynyń sózine qaraǵanda, «KazSat-2» jer serigi 16 shilde kúni «Baıqońyr» ǵarysh aılaǵynan sátti ushyryldy. Atalmysh apparattyń orbıtaldy synaqtaryn bıylǵy jyldyń qazan aıynyń sońyna taman aıaqtaý josparlanyp otyr. «KazSat-2» Aqmola oblysynyń Aqkól aýdanynda ornalasqan ǵarysh apparattaryn jerden basqarýǵa arnalǵan keshennen basqarylady. Osy synaq aıaqtalysymen qazaqstandyq baılanys jáne habar taratýshy operatorlar «KazSat-2» spýtnıgi arqyly jumys isteýdi bastaıdy», - dedi T.Musabaev.
