«KazSat-2» jer serigin saqtandyratyn kompanııa apparat Qazaqstanǵa berilgennen keıin belgili bolady
TANA. 19 qyrkúıek. QazAqparat /Aıdar Ospanalıev/ - «KazSat-2» jer serigin saqtandyratyn kompanııa atalmysh apparat Qazaqstanǵa berilgennen keıin belgili bolady», - dedi Ulttyq ǵarysh agenttiginiń tóraǵasy Talǵat Musabaev búgin Parlament Májilisinde ótip jatqan Úkimet saǵatynda.
Agenttik tóraǵasynyń sózine qaraǵanda, «KazSat-2» jer serigine qatysty ǵaryshqa ushyrý synaqtary belgilengen josparǵa saı ótip jatyr. «Al atalmysh apparatty saqtandyrý sharasyna keletin bolsaq, ony saqtandyratyn kompanııanyń aty-jóni apparat Qazaqstan tarapyna berilgennen keıin belgili bolady. Al oǵan deıin jer seriginiń qaýipsizdigi men onymen baılanysty oqys jaǵdaılarǵa Reseı tarapy jaýap beredi. Qazaqstan apparatty tek óz ıeligine alǵan soń ǵana onyń saqtandyrý máselesin sheshedi. Jer serigin elimizge shamamen qazan aıynyń sońynda berý josparlanyp otyr»,-dedi T.Musabaev.
Sondaı-aq ol sózinde qazirgi tańda jer serigin saqtandyratyn kompanııany tender arqyly anyqtaý boıynsha tıisti sharalar júrgizilip jatqandyǵyn atap kórsetti. «Biz «KazSat-1» jer serigin iske qosý barysynda jiberilgen kemshilikterdiń barlyǵyn eskerdik jáne bul kemshilikter úshin ǵarysh agenttigi jaýap bermeıdi. Óıtkeni ol apparat Agenttik qurylǵanǵa deıin jasalǵan bolatyn. Al «KazSat-2» apparatyn saqtandyrýǵa qatysty máselelerdiń barlyǵyn jan-jaqty qarastyrdyq. Sondyqtan ol talapqa saı saqtandyrylady»,-dedi Agenttik tóraǵasy.
