«QazSat-2» jer serigi 69 paıyzdyq júktememen jumys isteýde

ASTANA. QazAqparat - «QazSat-2» jer serigi 69 paıyzdyq júktememen jumys istep jatyr. Búgin Astanada ótip jatqan «Qazaqstandaǵy ǵarysh kúnderi» atty halyqaralyq semınar barysynda Investıtsııalar jáne damý mınıstrligi Aeroǵarysh komıtetiniń tóraǵasynyń orynbasary Meıirbek Moldabekov osylaı málim etti.

«Qazirgi tańda «QazSat-2» ǵarysh apparaty shtattyq rejımde jumys jasaýda. Jer seriginiń qazirgi atqaryp otyrǵan júktemesi 69 paıyzdy quraıdy. Jalpy ǵarysh apparaty Qazaqstandaǵy 12 spýtnıktik baılanys operatorlaryna spýtnıktik qamtymdylyq qyzmetin usyný boıynsha qyzmetter kórsetip keledi», - dedi M.Moldabekov.

Onyń aıtýynsha, qazirgi kúni Qazaqstandaǵy jáne bir «QazSat-3» jer serigi óziniń ushyrý-ǵaryshtyq synaý jumystaryn aıaqtaýǵa jaqyn. Eske sala keteıik, aǵymdaǵy jyldyń sáýirinde jiberilgen «QazSat-3» «QazSat-2»-ni tolyqtyratyn bolady.