Kazsat-2 orbıtada bir jyl: qazaqstandyq baılanys jáne habar taratý jerserikteriniń barlyq júıeleri qalypty jumys istep tur

ASTANA. 17 shilde. QazAqparat - Keshe, 16 shildede ulttyq geostatsıonarlyq baılanys jáne habar taratý Kazsat-2-niń ushyrylǵanyna 1 jyl boldy.

Respýblıkalyq ǵarysh baılanys ortalyǵynyń baspasóz qyzmeti habarlaǵandaı, bul kúrdeli ári aýqymdy jumysty  sátti iske asyrý QR Ulttyq ǵarysh agenttigi basqarýyndaǵy Respýblıkalyq ǵarysh baılanys ortalyǵynyń mamandarynan quralǵan ujymnyń eńbegi.

Kazsat-2 ǵarysh apparaty barlyq jazǵy synaýlardan ótti, 2011 jyldyń 25 qarashasynan bastap maqsatty baǵyt boıynsha qazaqstandyq tarappen paıdalanyla bastady.

Qazirgi ýaqytta qazaqstandyq baılanys jáne habar taratý jerserikterdiń barlyq júıeleri shtatty rejimde jumys istep tur, ǵarysh apparatynyń isten shyǵýy tirkelgen joq.

Búgingi kúni Kazsat-2-ni barynsha paıdalaný boıynsha jumys júrgizilýde, dep habarlady RǴBO-nyń baspasóz qyzmeti.