QazSat-2 ǵarysh apparaty múmkinshiliginiń 63 paıyzy paıdalanylýda - M.Moldabekov
ASTANA. 3 jeltoqsan. QazAqparat - QazSat-2 ǵarysh apparaty múmkinshiliginiń 63 paıyzy paıdalanylýda. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Ulttyq ǵarysh agenttigi tóraǵasynyń orynbasary Meıirbek Moldabekov málim etti.
Onyń atap ótýinshe, QazSat baılanys júıesiniń quramyndaǵy QazSat-2 ǵarysh apparaty iske qosylǵan 2 jyl ishinde turaqty jumys isteýde. Qazirgi tańda elimizdiń 11 operatory atalǵan ǵarysh stansasy arqyly baılanys qyzmetin kórsetýde. «Dál qazirgi ýaqytta ǵarysh apparaty múmkinshiliginiń 63 paıyzy paıdalanylýda», - dedi ol.
M.Moldabekovtyń sózine qaraǵanda, atalǵan ǵarysh apparatynyń iske qosylýy arqasynda Qazaqstan ekonomıkasyna 2,5 mlrd. teńge quıylýda. ıAǵnı, buǵan deıin basqa eldiń ǵarysh apparatynyń qyzmetine paıdalaný úshin beriletin qarjy óz elimizde qalyp otyr. «Onyń ústine bul ǵarysh apparaty elimizge aqparattyq táýelsizdik alýǵa múmkindik beredi», - dedi tóraǵa orynbasary.
