Qazirgi júıe jalǵan óndirýshilerge sertıfıkat berýdi múmkin etip otyr — Oljas Bektenov

ASTANA. KAZINFORM — Úkimet basshysy Oljas Bektenov taýar óndirýshilerge beriletin sertıfıkattaý júıesin synǵa aldy.

— Іshki qun úlesin baǵalaý ádistemesine, onyń ashyqtyǵyna qatysty aıtar bolsaq, biz dál osy baǵytqa umtylyp jatyrmyz. Bul maqsatta zań qabyldandy. Aıtyp otyrǵanyńyzdaı, eshkim eshteńeni qupııa ustaýǵa nıetti emes. Kerisinshe, bul tizilimge naqty óndirýshiler enýi úshin barynsha ashyq bolamyz. Ókinishke qaraı, qazirgi júıe ındýstrııalyq sertıfıkattar men CT-KZ sertıfıkattaryn jalǵan óndirýshilerge berýge jol berip otyr, — dedi Oljas Bektenov Úkimet otyrysynda «Atameken» UKP basshysynyń baıandamasynan keıin.

Sondaı-aq Premer-mınıstr ókinishke qaraı, jalǵan sertıfıkat berý problemasy «Atameken» ulttyq kásipkerler palatasynda da kezdesip jatqanyn tilge tıek etti.

— Sondyqtan, bul júıeni birge jetildirýimiz qajet jáne sizder bul jumysta mindetti túrde qatysýǵa tıissizder. Bızneske arnalǵan tsıfrlyq kartaǵa qatysty aıtsaq, bıznestiń barlyq iri jobany kórip, olarǵa aldyn ala daıyndalyp, qatysa alýy tolyq qoldaý tabady. Biz sizderdiń tásilderińizben aldyn ala tanystyq, eger júıe daıyn bolsa, qaraýǵa ázirmiz. Basqa máseleler boıynsha da, negizi, bir baǵytta kele jatyrmyz, — dep tolyqtyrdy O. Bektenov.

Buǵan deıin Oljas Bektenov Samuryq-Qazynanyń otandyq óndirýshilerden taýar satyp alý kórsetkishin synady.