Qazirgi ınvestıtsııa tartý saıasaty mardymdy dep aıta almaımyn — Memleket basshysy

ASTANA. KAZINFORM — Bul týraly Qazaqstan halqyna Joldaýy kezinde Prezıdent Qasym-Jomart Toqaev málim etti. 

— Elimizge qomaqty ınvestıtsııa tartý kerek. Qazir dúnıejúzinde ınvestıtsııaǵa talas kúsheıip barady. Jańa ınvestıtsııalyq kezeńdi bastaýymyz qajet. Qazirgi ınvestıtsııa tartý saıasaty mardymdy dep aıta almaımyn. Qarajattyń kóbi shıkizat salalaryna quıylyp jatyr. Jalpy, bul jaman emes, osyndaı ınvestıtsııalar bizge qajet. Biraq, qazir aldymyzda turǵan mindet - basqa. Bul — óńdeý salasyna kóbirek qarajat tartý, — dedi Qasym-Jomart Toqaev.

Osy oraıda Prezıdent Úkimet ınvestıtsııa saıasatyna basqasha kózqaraspen qaraý kerek ekenin atap ótti.

— Qajet bolsa, joǵary tehnologııalarǵa salynatyn ınvestıtsııalarǵa jeńildik berýge bolady. Sondaı-aq memlekettiń ınvestıtsııasy men jeke bıznestiń iri bastamalaryna birdeı nazar aýdarý qajet. Іri ınvestorlarmen qatar, orta jáne shaǵyn ınvestorlarmen tyǵyz baılanysta jumys isteý kerek. Qarajattyń qaı baǵytqa, qandaı maqsatpen jáne qansha kólemde qajet ekenin naqty bilý qajet, — dedi Memleket basshysy. 

Aıta keteıik, Joldaýdyń onlaın translıatsııasy Jibek Joly efırinde, sondaı-aq telearnanyń YouTube arnasynda júrip jatyr.

Kazinform saıty tikeleı efırmen qatar, jazbasha translıatsııa da jasaıdy.

Sondaı-aq Joldaý mátinin agenttiktiń telegram arnasynan oqýǵa bolady.