Parıj-2024: Qazirgi bessaıystan qazaqstandyq Elena Potapenko 200 upaı jınady
PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda qazirgi bessaıystyń áıelder arasynda semserlesýinen irikteý saıystary ótti.
Bul synda baq synaǵan otandasymyz Elena Potapenko 200 upaı jınap, 27-satyǵa turaqtady. Bul saıysta sportshymyz 15 ret qarsylasynan basym tústi.
Erteń qazaqstandyq sportshy jartylaı fınalda A tobynda óner kórsetedi. Olar 200 metrge erkin ádispen júzýden ózara myqtyny anyqtaıdy.
Al úshinshi jarys - konkýr. Sheshýshi jarysta atletter júgirý kezinde lazerli tapanshamen nysana kózdeıdi.
Aıta keteıik, sporttyń bul túrinde barlyǵy 72 sportshy (36 erkek, 36 áıel) júldege talasady.
Esterińizge sala ketsek, osyǵan deıin erler arasynda el namysyn qorǵap jatqan ulttyq qurama sportshysy Georgıı Boroda-Dýdochkın alǵashqy kezeńde semserlesýde 10 ret jeńiske jetip (25 ret jeńilip), 175 upaı jınap, 35-orynǵa ıe bolǵanyn jazǵan bolatynbyz.
