Qazirgi bessaıystan Georgıı Boroda-Dýdochkın fınalǵa óte almady

PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda qazirgi bessaıystan qazaqstandyq sportshy Georgıı Boroda-Dýdochkın jartylaı fınaldyq básekege qatysty. 

Bul básekede qazaqstandyq bessaıysshy 1452 upaı jınady. Jartylaı fınalda ol 16-orynǵa jaıǵasty. 

Fınalǵa shyǵý úshin bul jetkiliksiz. Sebebi, aqtyq synǵa alǵashqy toǵyz sportshy ǵana joldama aldy.

Birinshi jartylaı fınalda olımpıadalyq rekordty ornatyp, 1516 upaı alǵan egıpettik Ahmed Elgendy kósh bastap tur.

Aıta keteıik, keshe 8 tamyzda Georgıı Boroda-Dýdochkın erler arasyndaǵy jarysta reıtıngtik raýndta 36 sportshynyń ishinde 35-orynǵa turaqtady. Ol 10 ret jeńse, 25 márte jeńilip, 175 upaı jınady.

Aıta keteıik, ázirge Qazaqstan quramasynyń qorjynynda 1 altyn, 3 kúmis, 3 qola júlde bar.