Qazirgi álemdegi qarma-qaıshylyqtardy Máskeýdiń qatysýynsyz eńserý múmkin emes – Qazaqstan Prezıdenti

ASTANA. KAZINFORM — Qazirgi álemdegi qarma-qaıshylyqtardy Máskeýdiń qatysýynsyz eńserý múmkin emes. Bul jaıynda «Rossııskaıa gazeta» basylymynda jaryq kórgen Memleket basshysy Qasym-Jomart Toqaevtyń «Máńgilik dostyq — halyqtarymyzǵa jol silter temirqazyq» degen taqyryppen berilgen avtorlyq maqalada aıtylǵan.

— Ótken jyldyń qarasha aıynda Reseı Prezıdenti Qazaqstanǵa memlekettik saparmen keldi. Bul sapar saıası jáne praktıkalyq mańyzy jaǵynan tarıhı oqıǵa boldy. Astanada bizdiń seriktestigimizdiń jańa kókjıegin ashatyn mańyzdy qujattar toptamasyna qol qoıyldy. Eń bastysy sanktsııalyq qysym men halyqaralyq shıeleniske qaramastan, eki el yntymaqtastyqtyń turaqtylyǵyn jáne serpindi damýyn saqtap ári qorǵap qaldy, — dedi Memleket basshysy.

Prezıdent Máskeýge jasalatyn aldaǵy memlekettik sapary qarsańynda Vladımır Pýtınmen ótetin aldaǵy kelissózderdiń aıryqsha mańyzdylyǵyn atap ótedi.

— Sońǵy birneshe aıda QHR Tóraǵasy Sı Tszınpınmen, AQSh Prezıdenti Donald Tramppen, sondaı-aq Eýropa, Azııa jáne Afrıka elderiniń birqatar basshylarymen barynsha mazmundy kelissózder júrgizdim. Olardyń kóbisi geosaıası spektrdiń qarama-qarsy polıýsterinde turǵanyna qaramastan, barlyǵy da Reseı men onyń kóshbasshysynyń halyqaralyq qatynastardyń ózekti túıinderin sheshýdegi aıryqsha rólin moıyndaıdy. Basqasha aıtqanda, qazirgi álemdegi qarma-qaıshylyqtardy Máskeýdiń qatysýynsyz eńserý múmkin emes, — dedi Qasym-Jomart Toqaev.

Esterińizge sala keteıik, Prezıdent Qasym-Jomart Toqaev 11-12 qarashada Reseı Federatsııasyna memlekettik saparmen barady.