Qazirdiń ózinde 120-dan astam usynys engizildi – Aıda Balaeva Ulttyq quryltaıdyń alǵashqy qorytyndysy jaıynda
ASTANA. KAZINFORM – Mádenıet jáne aqparat mınıstri Aıda Balaeva Ulttyq quryltaıdyń 4-otyrysy aıasynda alqaly jıynnyń birinshi jumys sektsılary barysynda aıtylǵan usynystarǵa qatysy málimettermen bólisti.
Býrabaıda Ulttyq quryltaıdyń «Azamattyq qoǵam» jáne «Mádenıet. Óner. Rýhanııat» sektsııalary aıaqtaldy. Aıda Balaevanyń atap ótýinshe, pikirtalas alańy qyzý ótip, qatysýshylar túrli máseleni kóterdi.
- Ulttyq quryltaıdyń sektsııalyq alańdary men jalpy otyrysynda talqylanatyn barlyq usynys mindette túrde júzege asyrylady. Sondyqtan máseleni talqylap qana qoımaı, ony júzege asyrý boıynsha naqty usynys engizý mańyzdy. Olardyń belgili bir salaǵa yqpal eteri sózsiz. Ulttyq quryltaıdyń «Azamattyq qoǵam» jáne «Mádenıet. Óner. Rýhanııat» atty eki sektsııasynyń qorytyndysynda Ulttyq quryltaı múshelerinen 120-dan astam usynys engizildi. Ulttyq quryltaı músheleri naqty bir sektsııamen shetlemeıtindigin, olardyń barlyşq sektsııaǵa qatysyp, óz usysyntaryn bildire alatyndyǵyn atap ótý mańyzdy, - dedi mınıstr.
Osy oraıda ol «Mádenıet. Óner. Rýhanııat» sektsııasynda ózeti máseleniń az bolmaǵanyn jasyrmady.
- «Mádenıet. Óner. Rýhanııat» sektsııasyna qatysty aıtar bolsaq, máseleniń keń aýqymy qozǵalǵany sózsiz: balalarǵa tálim-tárbıe berý, qoǵamdyq mádenıetti qalyptastyrý, kitap baspasy qyzmetin damytý, sonymen qatar kıno ındýstrııasyna qatysty ózekti aspektiler, dástúrli qundylyqtary qalyptastyrý ári tasymaldylyǵyn arttyrý jáne basqa da máseleler. Bul máseleniń barlyǵy qyzý reaktsııa týyndatqany sózsiz. Óıtkeni, árbir qatysýshy óz kózqarasyn bildirýge tyrysady. Ulttyq quryltaı músheleriniń naqty usynys beretini qýantady jáne olardyń kópshiligi aldaǵy ýaqytta qosymsha talqyǵa túsedi, - dedi Aıda Balaeva.
Buǵan deıin Býrabaıda IV Ulttyq quryltaı bastalǵanyn jazǵan edik.
Osy jıyn aıasynda Ǵylym jáne joǵary bilim mınıstri Saıasat Nurbek Qazaqstan tarıhynyń jańa akademııalyq basylymyn ázirleý jumysynyń barysy jaıynda aıtty.