Qazir Úkimettiń otstavkasy máselesin kóterýge negiz joq - Senat tóraǵasy
ASTANA. KAZINFORM – Senat tóraǵasy Máýlen Áshimbaev el Úkimetiniń jumysyna qatysty pikir aıtty.
Búgin Senattyń jalpy otyrysynan keıin tilshiler «qaı jaǵdaıda elimizdiń Parlamenti Úkimettiń otstavkasyn suraýy múmkin» degen suraq qoıdy.
Óz kezeginde M.Áshimbaev bul máselelerdiń barlyǵy zańda rettelgenin eske saldy.
- Qazir elimizde osyndaı máselelerdi (Úkimettiń otstavkasyn) kóterýge negiz joq dep sanaımyn. Úkimettegi áriptesterimiz búgin Senattaǵy talqylaý kezinde ınvestıtsııany tartýǵa qatysty biraz jumys atqarylyp jatqanyn habarlady. Sonymen qatar, ınflıatsııany tejeý boıynsha tıisti qadamdardy jasap otyr. Sondyqtan aldaǵy ýaqytta biz Úkimetpen birlesip jumys isteımiz, ıaǵnı Parlamenttiń de jaýapkershiligi bar, - dedi Senat tóraǵasy.
Bul turǵyda ol elimizdegi ınflıatsııany tejeý negizgi maqsattardyń biri ekenin atap ótti.
Budan buryn habarlanǵandaı, búgin Senattyń jalpy otyrysynda «2024 – 2026 jyldarǵa arnalǵan respýblıkalyq bıýdjet týraly» Zańyna ózgerister men tolyqtyrýlar engizý týraly» Zańy maquldandy.