Qazir tún bolsa da bári dalada júr — Jer silkingen Taılandtaǵy qazaqstandyq

ASTANA. KAZINFORM — Búgin Qazaqstannan bólek Taılandta da jer silkinisi boldy. Munda magnıtýdasy 8 ballǵa deıin jetken.  Zilzala oshaǵy Mıanmada anyqtalǵan. 

«Jibek Joly» telearnasy ahýaldy bilý úshin sol jaqtaǵy otandastyrymyzǵa habarlasqan.

Taılandaǵy qazaqstandyqtardyń biri — Daýr Imanmadırov. Onyń sózinshe, zilzala kúndizgi birlerde bastalyp, úshke taman toqtady

— Jer silkinisi bastalǵanda basym aınalyp otyryp qaldym. Ne bolǵanyn ózimiz túsinbeı qaldy. Biraq der kezinde dalaǵa shyǵyp úlgerdik. Zilzala kúndizgi birlerde bastalyp, úshke taman toqtady. Adamdar úıge kirýge qorqyp qaldy. Qazir tún bolsa da bári dalada júr, — dedi Imanmadırov.

Eske salsaq, búgin Mıanmada 7,9 baldyq jer silkinisi tirkelgenin jazǵan edik.

SІM Taılandtaǵy jer silkinisinen zardap shekken qazaqstandyqtarǵa qatysty aqparatty taratty.

Qazir Mıanmada tótenshe jaǵdaı jarııalandy. Buǵan deıin Mıanmadaǵy jer silkinisinen 50 adam qaza taýyp, 300 adam jaraqat alǵany habarlandy. Degenmen sońǵy derekterge sáıkes opat bolǵandardyń sany 144-ke jetken.