Qazir moped júrgizýshileriniń kim ekenin anyqtaý múmkin bolmaı tur — mınıstrlik

ASTANA. KAZINFORM — Qazir elimizde 80 myńnan asa moped bar. Bul týraly Senattyń jalpy otyrysynda jol qaýipsizdigin tsıfrlandyrý máseleleri arnalǵan zańdy birinshi oqylymda talqylaý kezinde Іshki ister mınıstriniń orynbasary Igor Lepeha aıtty.

«Qazirgi kezde «Sergek» jáne basqa da beınebaqylaý kameralar arqyly moped júrgizýshileriniń kim ekenin anyqtaý múmkin emes. ıAǵnı mopedte memlekettik tirkeý nómiri joq. Osyny paıdalanyp, olar ádeıi jol erejesin buzady. Іshki ister mınıstrligi dereginshe, 80 myńnan asa moped bar. Qazir olardy tirkeý mindetti emes. Byltyr 12 aıda mopedterge qatysty 750 kólik apaty tirkelip, 39 adam qaza taýyp, 730 adam jaralandy», — dedi I. Lepeha.

Onyń aıtýynsha, bıyl 8 aıda osyndaı 962 kólik apaty tirkeldi. Saldarynan 48 adam kóz jumdy, 1024 adam jaralandy.

Aıta keteıik, búgin Búgin Senattyń jalpy otyrysynda «Qazaqstan Respýblıkasynyń keıbir zańnamalyq aktilerine jekelegen kólik quraldary túrleriniń júrýin uıymdastyrý jáne jol qaýipsizdigin tsıfrlandyrý máseleleri boıynsha ózgerister men tolyqtyrýlar engizý týraly» Zańy men ilespe qujat eki oqylymda qaralyp, maquldandy.

Osy oraıda mopedterdi mindetti memlekettik tirkeý engiziledi.